Azken sarrera

Didaktikan guztiz murgiltzeko irakasleak portafolioaren ideia planteatu zigun.

Baina zer eta zertarako da portafolioa edo blog-a?

Irakasleak duen blogetatik hartuko ditut beste urteko ikasle baten hitzak niretzat oso ondo definitzen eta erantzuten duelako aurreko galderari.

"Blog-a sorkuntzazko proiektu bat da, ez da ariketa sistematiko edota programatu bat, baizik eta bakoitzak bere moduan hezkuntzaren alorreko berriak, bideoak, argazkiak..., bilatu, partekatu eta haien inguruan hausnartzeko eguneroko bat, hain zuzen ere, eguneroko digital bat"

Ikasgai honetan izan dudan ibilbidearen laburpen bat izango da azken sarrera hau. Aste bakoitzean zer egin dugun labur azalduko dut eta sarrera bakoitzaren link-a ipiniko dut gehiago sakontzeko.

Lehenengo astean irakasleen, ikasleen eta ikasgaiaren aurkezpena izan da. Ikasgaiarekin hasteko bideo bat "Que educación necesitan nuestros hijos para afrontar el futuro" ikusi genuen.

Bigarren astean ebaluazioaz hitz egin genuen. Ebaluazioa Haur Hezkuntzan testu batekin eta didaktika ikasgaian erabiliko dugun ebaluazio metodoa, hau da, portafolioa.

Hirugarren astean alde batetik bigarren astean irakurritako testuaren idei nagusiak denon artean komentatu genituen. Beste aldetik modulu lana nola egin azaldu digute.

Laugarren astean jarduera bat ebaluatzeko taula nola egin ahal den eta Carlos Monereoren bideo bat ikusi dugu. Bideo honetan "la evaluación autentica de las competencias" ebaluaio-estrategiari buruz hitz egiten du.

Bostgarren astean konfiantzaren pedagogiaren ezaugarriak ezagutzen aritu gara. Arizmendi ikastolaren eredua aztertu dugu.

Seigarren  astean 237/2015 dekretua aztertzen eta laburtzen egon ginen azken saioan laburpen bat entregatzeko. Bestetik, K2arekin hasi ginen, nire taldekoek curriculumaren azterketatik hain zuzen ere.

Zazpigarren astean behatzaile taldearen eta haien blogaren aurkezpena izan zen. Haien lehenengo lana heziberri 2020 guri azaltzea zen. Horretaz aparte beste ikaskideek urteko plana nola egiten den azaldu digute.

Zortzigarren astean testu baten bidez lan egin dugu unitate didaktikoarekin eta proiektuen bidezko ikaskuntzaren ezaugarriak eta desberdintasunak. Irakurri eta gero Nekane Otxoaren bideoa ikusi dugu.

Bederatzigarren astean unitate didaktikoa pixka bat azaldu zigun irakaslea eta Forneiroren testua irakurri eta aztertu dugu.

Hamargarren astea osoan zehar unitate didaktikoarekin lan egin dugu. Lehenengo eredu baten bidez atalak azaltzea eta gero denon artean bat sortu genuen.

Hamaikagarren astean ikaskide batzuen eskutik zer den didaktika ikasi dugu. Horretaz aparte curriculuma eta unitate didaktikoaren lotura azaltzen duen dokumentua irakurri dugu.

Hamabigarren astean proiektuen bidezko ikaskuntza zein den ikasi dugu eta "solo es el principio" filma ikusteko proposatu digu.

Hamahirugarren astea laburra izan da. Zer da pedagogia ikasi dugu.

Hamalaugarren astean Lockzyren pedagogia aztertzen aritu ginen bideo baten bidez "una escuela de civilizacion"

Hamabostagarren astea azken astea izan da, aste honetan ikasgaiaren eta taldearen ebaluazioa egin eta partekatu zuten behatzaileak. Azken egunean ez-presentzialak diren 2 ikaskide aurkezpen bat egin ziguten.

Portafolio honi amaiera emateko irakasleak azken egunean esandako hitz batzuk hartuko ditut:

15. Astea: Ikasgaiaren ibilbidea berrikusten

Amaia, Arrate, Nerea eta Oihane aurkezpen bat egin dute astearen lehenengo saioan. 9 boluntario eskatu dituzte. Denbora pixka bat eman dugu norbait ateratzeko eta aurkezleak animatzen zuten denbora guztian. Ateratzen direnean galdetzen diote zergatik atera diren eta erantzuna izan zen “eskatu duzuelako” edo “parte hartu behar delako”. Eta besteei zergatik ez gara atera galdetu digute eta lotsagatik dela esan dute askok.

Ariketa hau esperimentu bat izan da ikusteko nola diren eguneroko klase guztiak eta nola asko kostatzen da boluntario moduan norbait parte hartzea.
Saio hau gure taldeko autoebaluazio modukoa izan da. Haiek galdetzen ziguten zerbait guk hausnartzeko eta txarto joan diren gauzez ohartzeko.

Partaidetzaren arazoaz aparte beste arazo daudela konturatu gara:

• Asistentzia
• Autonomia falta
• Ez dagoenez azterketa ez dugu presio askorik. 
• Ez gaudelako motibatutak
• Aurkezpenetan jendea ez du kasurik egiten eta hitz egiten dute aurkezten dauden bitartean
• Ez dugula berez teoria eman

Autokritika hau egitea garrantzitsua da ikasteko eta gure burua hobetzeko. Irakasleak esaten du badagoela jendea klasean ez duela haien iritziak esaten baina gero blogaren bidez indibidualagoa denez bai.

Azterketa ez da egongo baina Curriculumarekon lanean aritu gara lauhilabete osoan K2 eta unitate didaktikoa egiteko beraz zerbait ikasi dugu.

Azken arazoari erantzuteko esan beharra dago teoria eman dugula baina era desantolatuan elkarrizketak, aurkezpenak eta eztabaiden bidez. Ikasteko era honi ez dugu daukan garrantzia ematen baina egia da ondo egongo legoke aurkezpenak egin eta gero irakasleak feedback ematea aurkezpenaren informazioarekin kontrastatzeko.




Gaurko eguna dezbedin hasi da. Lauhilabetekoaren didaktikako azken klasea da eta ez presentzialak aurkezpen bat egingo dute. Klasean sartu garen momentuan musika jarrita zegoen. Aurkezpenarekin hasteko haien izenak esan ziguten eta haien aurreko ikasketak eta haur hezkuntzan zergatik zeuden azaldu digute. Neska Itziar zuen izena eta mutila Iker.


Ez presentzialak zirenez lan ezberdin bat egin izan behar dute ikasgaia gainditzeko. Liburu ezberdinetan oinarrituta aurkezpen bat prestatu behar zuten guri gai batzuetaz hitz egiteko. Hauek dira:

• Haur Hezkuntzaren historia
• Zer da Haur Hezkuntza eta bere testuingurua
• Irakasle baten irudi profesionala eta bere xehetasunak
• Talde lanaren garrantzia
• Makrodidaktika eta mikrodidaktika
• Curriculuma
• Haur Hezkuntzako helburu eta metodologia
• Ebaluazioak jaso beharrekoa eta egokitzapena.

Autore hauek aipatu dituzte:

• Jean Jacques Rousseau: banakako garapena errespetatu. Interesen arabera gidatu.
• Friedrich Fröble (1782-1852): hezkuntzak duen garrantzia (gaur egun hori defendatzen jarraitzen dugu), aske mintzatzea, sormena piztea, gizartean parte hartzea eta motrizitatea bultzatzea.
• Maria Montessori: esperientzia eta ekintzaren bidez ikasten dute umeak, haurraren nortasuna eta erritmoa errespetatu lehiakortasuna baztertu.
• Ovide Decroly 
• Celestin Freinet teknika ospetsuak erabiltzen zituen.

Hezkuntzaren testuingurua azaltzeko educare eta educereren ezberdintasunak esan digute, hau da, educaren ikasle pasiboa da eta educeren ikasle aktiboa da.

Esku-hartzeari dagokionez “toda ayuda inutil que damos al niño detiene su desarrollo” itziar bere esperientzia kontatu digute. Adibide bat, dantzatzeko irakaslea izan da eta lokarriak lotzeko ez zuen laguntza ematen lehen momentutik txarto egiten daudela ikusi arren, ikasi behar dutelako. Laguntza ematen dio eskatzen dutenean.

• Makrodidaktika: Didaktikaren oinarri teorikoak. Ikas-irakaskuntzako prozesuaren antolamendua
• Mikrodidaktika: Akzio didaktika ebaluatzeko, elementuak eta diseinuak kontuan hartuko dira.

Curriculuma:

14. Astea: Pickler Lockzy eta dokumentazioa

Aste honetan Pickler Lockzyri buruz hitz egin dugu. Irakasleak bi bideo interesgarri daudela gai honi buruz esan digu. Lehenengoa Pickler Lockzyren jatorria azaltzen duena  "Lockzy un hogar para crecer" eta bigarrena “Lockzy una escuela de civilización”. Azken bideo honetan ikusten da gaur egun Loczy nolakoa den.

Bigarren bideo hau ikusten hasiko gara aste honetan haien irakasteko eredua nolakoa den ezagutzeko. Hemen usten dizkizuet zenbait ideia garrantzitsuak eta hausnarketak horri buruz:

• Umea zaintzen eta begiratzen eraiki dute haien lan egiteko modua. Ez da aditurik joan zer egin behar duten esateko. 

• Haur eskola honetan indibidualtasunetik eraikitzen dira ekintzak. Ohiko haur eskoletan ekintza gehienak kolektiboak dira agian ume kopuru handia dagoelako baina ekintza horiek berpetzatu behar direla uste dut indibidualtasunetik lan egitea garrantzitsuagoa delako.

• Umearen erritmoa errespetatzeko ez diogu animatu behar horrela presioa sortzen dugulako. Bideoan ume bat jaisten dago eskailerak eta heldu bat dago ez jausteko baina ez dio ezer esaten ezta animatzen. Horrela bere erritmoa errespetatzen du eta aldi berean konfiantza ematen dio.

• Pickler lockzyren arduradunak ipintzen dute jolasa umeen esku eta haiek erabakitzen dute zerekin jolastu. Ez dute estimulatzen jolastera jostailu batekin baizik eta estimulatzen dute haiek konturatu gabe. Adibidez, bideoan irakasleak komentatzen dute ondo egiten duena baina garrantzi handirik eman gabe.  Aitzurtzen ari ziren eta bat batean irakasleak esaten du "uy norbait oso ondo bete du auto hau, bueno, orain lurrarekin beteko dizuet kutxa hobeto aitzurtzeko".

• Zaintzaileek ez dute haurrak egiten duen jarduera libreak apurtu nahi, horregatik ez dute estimulazioaz hitz egiten.

• Nahiz eta haien atzean jostailuak jaso ez dira mirabeak.  Eta umeek ez dira tiranoetan bihurtuko ez dituztelako haien zaintzaileei horrela ikusten.

• 2011n Apirilean umezurztegia itxi zen. Gaur egungo zaintzaileek dakiten guztia umezurztegitik dator, beraz, nahiz eta orain haur eskola bat izatea umezurztegian zeuzkaten metodoak erabiltzen jarraitzen dute.

• Umezurztegiaren funtzionamendua haurren psikiatra bat esan zuen: "Laborategi bikaina da, non umeak eraikitzen da. Zaintzaileek lan zaila dute, eskatzen zaie umeen beharretaz adi egotea enpatiarekin baina emozionalki ez sartzea haien ikaskuntza prozesuan. Ez dute haien amak badira bezala portatu behar baizik eta lagunak bezala". Segun eta nola gauden guk, nola begiratzen dugu umeari, nola ukitzen dugu, nola esaten diogun gauzak, haiek gauza berbera egingo dute gurekin, Horrela asko ikasten dugu.

• Inguruneak inpaktu asko du umeetan, beraz, segurtasuna transmititu behar du. Haurtxoek behar guztiei erantzun dituztenean begirada adeitsu eta fidakor baten azpian aurkikuntzak egiteko gai dira. 

• Gurasoen erabakiak arduradunak errespetatzen dituzte eta gurasoek errespetatzen dute arduradunen erabakiak

• Helburua haiek eroso egotea da.

• Zaintzaileek errespetatzen dute haur bakoitzak duen denbora arau bat asimilatzeko.

Ostiralean “Documentar la vida de los niños y niñas en la escuela” Red territorial de educacion infantil de Cataluña (hainbat irakasleen laguntzaz) egindako liburuaren laburpena egin dute Amaia, Arrate, Oihane eta Nereak aurkezpen baten bidez guri azaltzeko. Nik azalpenaren eskema bat sortu dut.

13. Astea: Zer da metodologia?

Aste honetan ez ditugu hiru saiotik bi izan beraz sarrera laburra izango da.

Ostiralean aurkezpen bat izan genuen metodologiari buruz. Anna Tome, Itziar Zanguitu eta Haizea Vazquez egindakoa. Haien aurkezpena zenbait kontzeptu garrantzitsuak ez zituzten aipatzen beraz behatzaileek haien aurkezpena osatu eta haien blogan jarri dute.

ZER DA METODOLOGIA?

Hezkuntzaren helburuak lortzeko elementu giltzarria da, hezkuntza teorian oinarrituta.

Espazioen, denboraren, proposamenen, materialen, esku-hartzeko estiloen eta beste alderdi askoren gaineko erabakiak planifikatzeko, antolatzeko, eta zehazteko aukera ematen digu metodologiak.

Metodologia aukerak edo motak, kontuan hartu behar dira haurren adina, hezitzaileak teknikari buruz duen ezagutza maila eta erabil daitezkeen lekua eta baliabide materialak.

• Interesguneak: Adina: 18 hilabetetik aurrera.

Haurrari eduki arloekin lotutako hainbat jarduera eskaintzen zaizkio, haurraren interes edo motibazioen arabera. Hiru pausu jarraitu behar dira:

Lehenengo pausua: Helburuak lortzea.
Bigarren pausua: Haurrak nola motibatu eta lekua nola girotu aztertu behar da.
Hirugarren pausua: Aldez aurretik zenbait jarduera prestatu.

Hezitzaileak eman nahi dien hedapena izango dute. Gomendagarria da gehienez hiruhilabeteko bat irautea.

• Txokoak: Adina: 2 urtetik aurrera. 

Honen bidez jolasteko gune antolatuak sortzen dira. Leku horietan, haurren adinari dagozkion interesen araberako materialak biltzen dira.

Hezitzaileak ikasgelako jolas-orduetan erabiltzen ditu txokoak. Haurrei aukeratzeko askatasuna ematen die, baina nolabait antolatuta. Helburu didaktikoen araberako materialak erabili behar dira.
Lekua; Gelako izkinetan normalean. Denbora; Iraupenari dagokionez, luzarorako muntatuko dira.

• Tailerretan. Adina: 12 urtetik aurrera.

Berariazko materialak erabil ohi dira eta teknika oso gidatua da.
Tailerrak programaziorako euskarria dira eta, une jakin batean, haurrekin landu nahi den gauza zehazteko erabili ohi dira.
Taldean haur gutxi izan arren, beste hezitzaile baten laguntza behar da, eta inoiz ez da tailer luzea egin behar.

• Jolas librea. Haurrek bakarrik egiten dute. 0 hilabetetik aurrera. Hezitzaileak behatu bakarrik.

• Jolas esperimentala. Adina: 18 hilabetetik aurrera.

Haurrak objektuak eta lekua antolatzen ditu, hezitzaileak behatzaile gisa izanik.
Gehienez, zortzi hilabete iraungo du eta 8-10 haurreko taldeetan egingo da. Saio bakoitzaren iraupena, gehienez, ordubetekoa izan behar da.
Bi atal izango ditu:
     -  Esplorazioa: haurraren jarduerak berezkoak dira.
     -  Bilketa: haurraren jarduerak hezitzaileak gidatzen ditu.

Egunerokotasunean aurkitu ditzakegun materialak edo ezertarako balio ez duten materialak hautatuko ditugu

12. Astea: Proiektuen bidezko ikaskuntza

Astelehenean 3 gauza ezberdin egiteko proposatu digu.
Denbora utzi lanak egiteko
Filma bat ikusten hastea (bakarrik hasiera) “solo es el principio” filmaren aurrerakina 
Jolas bat guztion artean

Azkenean denbora utzi digu lanak egiteko, beraz, astean dauzkagun hiru saiotatik 2 egon gara lanak egiten eta sarrera hau oso laburra izango da.

Azken saioan, ostiralean, bi aurkezpen izan ditugu: Oihane Melladok proiektuen bidezko aurkezpen bat egin du eta Onintze, Alba eta Saioa programazioa zertan datzan, haien helburuak eta ezaugarriak azaldu dituzte.

Oihanek esandakoarekin eskema bat sortu dut.

Eskema honetan lan proiektuaren bidezko heziketaren sorrera eta zertan bereizten den programazio konbentzionaletik ez da agertzen baina horretan sakontzeko usten dizuet link-a
Aurkezpenarekin amaitzeko Antzuolako herri ikastetxeren adibidea jarri du. Bideoa

11.astea: Zer da didaktika?

Lauhilabetekoa hasi zenetik, hau da, duela 11 aste, didaktika ikasgaia egiten gaude zer den jakin gabe. Aste honetan Ainize Itxaso eta Sarai azalduko digute aurkezpen baten bidez.

Hasi baino lehen orri batan guretzat zer den didaktika azaltzea ezan digu. Orain arte egindakoarekin ideia bat nuen baina zehazki definizioa, nik behintzat, ez nuen ezagutzen. 5 minutu inguru pasa eta gero esan digute taldeetan didaktikaren ahalik eta definizio gehien bilatzeko interneten. Ondoren osenean irakurri ditugu talde guztiak eta aurkezpenarekin hasi dira beraientzat egokiak diren definizioak esaten.

Didaktikak arlo ezberdinak biltzen ditu, ikaslea nor den eta irakatsi beharrekoa zer den kontuan hartuta:

Orokorra: ikasketa-irakaskuntza prozesu guztietan jarraitu beharreko metodoak biltzen ditu. Guztientzat orokorra den didaktika da.
Berezia: Diziplina bakoitzak berezko duen didaktika da. Ikasi beharreko gaiari buruz praktika zehatzak ikertzen ditu.
Diferentziala: Ikasleen ezaugarriei eta egoerei buruz aztertzen duen hezkuntzaren praktika (heziketa berezia).
Teknologikoa: Ikasketan erabilitako baliabide teknologikoak aztertzen ditu.

Didaktikaren elementuak: Irakasle edo hezitzailea (orientatu, estimulatu eta gidatu behar du bere ikasleen errendimendu ona ziurtatzeko), ikaslea, ikaskuntzaren testuinguru soziala eta Curriculum-a.

Helburuak:

Ikasleak garapen integral bat jasotzea posible egitea
Irakastearekin eta aldi berean ikastearekin lotura duten aspektu guztiak aztertzea.
Printzipio orokorrak, momentu estrukturalak eta instituzionalizazioaren irakaskuntza eta ikaskuntzaren arazoak tratatzen ditu.
Gizarteak jartzen, garatzen eta mantentzen dituen irakaskuntzaren inguruko arazo, erregela eta irakasteko moduaz arduratzen da.
Ondorengo arazoei aurre egitea du helburu: Zelan ikasten da? Nola ikasten dute ikasleek? Nola irakasten dute irakasleek?
Bi atal:
Teorikoak: Prozesu didaktiko deskribatzea eta azaltzea (gertaera jatorriak, arrazoiak... azaltzea).
Praktikoak: Ekintza desberdinen proposamena sortzea.

Didaktikaren eraikuntzarako ikuspegiak zortzi dimentsio ditu:

1. Dimentsio artistikoa
2. Dimentsio teknologikoa eta praktikoa
3. Dimentsio kultural arakatzailea
4. Dimentsio terapeutikoa
5. Dimentsio etikoa
6. Dimentsio sozio-historikoa
7. Dimentsio zientifikoa
8. Dimentsio artisaua

Gehiago sakontzeko: https://drive.google.com/file/d/0B7iAnBLiKKiub1JUa29wc2UteTM1emt5cnhlNEtKWEI5VXlj/view

Hurrengo egunean curriculuma eta unitate didaktikoaren lotura azaltzen duen dokumentu bat eman zigun. Horrekin eta egelan dauden dokumentuekin unitate didaktikoa egiten hasteko.

Astearen azken saioan artikulu bat irakurri genuen denon artean “La oreja verde de la escuela” gero ideia nagusiak ateratzeko

10. Astea: Unitate didaktikoa

Asteari hasiera emateko lehenengo egunean Ane, Antton, Oihane eta Ainhoa unitate didaktikoa nola egiten den azalduko dute eta astearen azken saioan haiek azaldutakoa praktikan ipiniko dugu denon artean unitate didaktiko bat eginez. Azaltzeko erakutsi diguten plantilla bat baina kontuan izan behar dugu ez dela egiteko era bakarra. Poner el link bien

Eredu hau nolakoa den azaldu dute. Azterketarekin hasi baino lehen hainbat informazioa jasotzen dute, testuinguruari buruz: ingurune soziologikoa, taldearen garapen egoera, ezaugarriak, adina, umearen berezitasunak... Plantilla testuinguruaz aparte 4 atal ditu.

Helburuak: Orokorrak eta zehatzak.
Edukiak: Kontzeptuak, prozedurak eta jarrerak
Ekintzak: Sarrera eta motibazio ekintzak(aurrezagutzak ikusiko ditugu. Materiala espazioa, denbora ipini behar dira), garapen ekintzak, gogoeta ekintzak eta ebaluazio ekintzak.
Ebaluazioa: Hasierako ebaluazioa, etengabeko ebaluazio-jarraia, bukaerako ebaluazioa eta autoebaluazioa.

Helburuak eta edukiak curriculumetik ezartzen dira. Kontuan izan behar dugu Curriculum-an bi motatako esperientzia eremuak daudela: 1. Nortasunaren eraikuntzaren eta ingurune fisiko eta sozialaren ezaguera eremua 2. Nortasunaren eraikuntzaren eta komunikazioaren adierazpena eremua.

Unitate didaktikoa egiteko egunero apuntatu behar dugu behatzen duguna Azkenean, ebaluazioa egiterakoan bere prozesua nola joan den ikusteko. Ariketa hau egiteko portafolio formatuan egin ahal da. Horrekin,umearen garapena ebaluatzeaz aparte autoebaluazioa egin ahal da,hurrengo urtean gaizki egindakoa hobetzeko.


Asteazkenean, lehen esan dudan bezala, unitate didaktikoa egiten hasiko gara. Irakasleak gure lana bideratzeko egelan jarri ditu hainbat powerpoint eta pasaden urteetako ereduak.

Unitate didaktikoa egiteko 2 asteak ditugu eta horren helburua zehatza eta sinplea izatea da. 5 orri gutxi gora bera. Gure testuingurua modulu lanaren proposamen didaktikoan dago. Pasaden saioan erakutsitako plantilla bete eta egelan dagoen informazioarekin osatu behar dugu.

Zailtasuna:Konpetentzia bidezko ikaskuntza bat diseinatzeko nola zehaztu behar dugu helburuak?
Hasi gara lanean unitate didaktikoarekin

Unitate didaktikoa hobeto ulertzeko astearen azken saioan denon artean plantilla bat osatu dugu, Ane, Antton, Oihane eta Ainhoaren laguntzarekin. Ikastolaren izena asmatu dugu eta klaseko ezaugarriak (zenbat haur daude, zenbat urte dituzte, zenbat neska eta zenbat mutil).


Ondoren klasean ikasle asko gaudenez 4 taldeetan banandu gara plantilla azkarrago osatzeko.

1.go taldea: helburuak
2. Taldea: edukiak
3. Taldea: ebaluazioa.
4. Taldea: ekintzak

Lan egiten hasterakoan konturatu gara ezinezkoa dela talde bakoitzak bere lana egitea. Hau da, helburuak, edukiak eta ebaluazioa egiteko ekintzak jakin behar ditugu, beraz, plantilla osatu dugu zentzu askorik gabe.